Шомуродовдан иккита гол ўтказган жамоа “Женоа”дан ўйинчи олади

А Сериянинг 37-турида “Женоа” билан куч синашган “Аталанта”да рақиб жамоа ҳимоячиси Давиде Дзаппакостани ўз сафига қўшиб олмоқчи. Аслида бу футболчи “Челси” вакили ҳисобланади ва генуяликлар таркибида ижарада тўп тепди.

“Аталанта” анчадан бери кучли ҳимоячига эҳтиёд сезмоқда ва Италия футболида ўз ўрнига эга бўлган  Дзаппакоста “Аталанта”нинг заиф нуқтасини ёпиши мумкин. Агар бу трансфер амалга ошмаса, бергамоликлар “Гронинген” ҳимоячиси Габриэл Гудмундссон ёки “Вильярреал” вакили Альфонсо Педрасу номзодини кўриб чиқади.

Эслатиб ўтамиз, “Женоа” ва “Аталанта” учрашувида Элдор Шомуродов захирадан майдонга тушиб, рақиб дарвозасини икки бор ишғол қилганди.