Шомуродовнинг голи Эрондан устун келишимизга етмади

Халқаро ўртоқлик ўйини доирасидаги Ўзбекистон - Эрон беллашуви ўз якунига етди. Унда меҳмонлар 2:1 ҳисобида ғалабага эришди. 

Эронликлардан Азмун ва Тареми урган 2 голга, миллий терма жамоамиздан Элдор Шомуродов 1 маротаба жавоб қайтарди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Жарима зарбаси пайтида Голбан дарвозабон билан тўқнашиб кетди. Эронликлар посбони энди ўйин охиригача ёрдам олса керак.

• 90+'
  

  Ўйин асосий вақтига 4 дақиқа қўшиб берилди.

• 89'
  

  Эронликлардан яна бир футболчи тиббий ёрдам олди.

• 88'

  Сиамакка зарба бериш имконини ҳимоячиларимиз бермади. 

• 84'
  

  Сиамакка шифокорлар ёрдами керак бўлди.

• 81'
  

  Қодирқуловга тиббий ёрдам кўрсатилмоқда.

• 77'
  

  Шомуродов ўрнига Сергеев майдонга тушди.

• 77'
  

  Қобилов сариқ карточка олди.

• 74'
  

  Ғоли ва Азмун захирага олинди. Саман ва Гаеди майдонга туширилди.

• 71'
  

  Нуруллоҳи ва Тареми ўрнига Резаи ва Сиамак майдонга тушди.

• 68'

  Таремининг зарбасини Суюнов қайтарди. Яхши имконият юзага келтиришди.

• 65'

  Холомуҳаммедовнинг узатмаси дарвоза устунига тегиб, майдонга қайтди.

• 64'
  

  Омид ва Карими майдонга тушди. Амири ва Хажи Сафи захирага олинди.

• 63'
  

  Амирида офсайд. Тўп вакилларимизга ўтди.

• 62'

  Суюновнинг тўпга чиқиб келиши бу гал фойда келтирди. Хавфли ҳужум бартараф этилди.

• 59'

  Голбан бироз хавфли ўйнади. Хайриятки, вазият биз учун ижобий якунланди.

• 58'

  Машарипов амалга оширган жарима зарбасидан сўнг, ҳимоячилар тўпни қайтариб юборди. Алибоевнинг зарбасига эса аниқлик етишмади.

• 57'
  

  Голбан, Шукуров ва Алибоев майдонга тушди. Тўраев, Исмоилов ва Ашурматов захирага олинди.

• 53'
  

  ГОООООООООООООООООЛЛЛЛЛЛЛЛЛЛЛЛЛЛЛЛЛЛЛ!!! Шомуродов ноқулай вазиятда турганига қарамай, аниқ зарба йўллаб, ҳисобни қисқартирди.

• 52'

  Навбатдаги ҳужумимиз бесамар якунланди.

• 51'
  

  ГОЛ! Жабрланувчининг ўзи пенальтини аниқ амалга оширди.

• 51'
  

  Тареми жарима майдони ичида йиқитилди. Пенальти.

• 48'
  

  Эронлик футболчи майдонда ўтирибди.

• 46'

  Эркиновнинг жарима майдонига узатган тўпи кучсиз ва ноаниқ чиқди.

• 46'
  

  Иккинчи тайм бошланди.

• 46'
  

  Алижонов ва Яхшибоев ўрнига Холмуҳаммедов ва Эркинов майдонга тушди.

• 46'

  Жамоалар майдонга қайтмоқда.

• 45'
  

  Танаффус.

• 45+'
  

  Биринчи таймга 1 дақиқа қўшиб берилди.

• 45'

  Исмоиловнинг ноаниқ узатмаси навбатдаги қарши ҳужумни ҳам узиб қўйди.

• 43'
  

  ГОЛ! Азмун жарима майдони ташқарисидан кучли ва аниқ зарба йўллаб, ҳисобни очди.

• 41'
  

  Форсларнинг илк бурчак зарбаси бесамар кетди.

• 41'

  Тўраев энг сўнгги паллада Ахмунга имкон бермади.

• 40'
  

  Бурчак узатмасига бош билан яхши зарба бера олмаган бўлсак-да, ҳужумнинг иккинчи темпи анча хавфли чиқди.

• 39'

  Алижоновнинг узатмаси ҳимоячилардан бирига тегиб, майдонни тарк этди. Бурчак тўпи.

• 37'

  Алижоновнинг узатмаси зарбага айланиб кетди. Дарвозабон муштлари билан тўпни уриб юборди.

• 34'
  

  Азмуннинг олис масофадане берган зарбасини Суюнов ушлаб олди. Марказда яна тўпни олдириб қўйишимиз ушбу вазият юзага келишига сабаб бўлди.

• 32'

  Шомуродовга узатилган навбатдаги тўп ҳам ноаниқ чиқди.

• 31'

  Элдор ажойиб тарзда қочиб бориб, зарба берди. Қойил, Элдор. Ноаниқ бўлса-да, ҳаракат учун мақтовларга арзийди.

• 30'

  Эронликлар ҳужумини тўхтатишга эришдик.

• 28'

  Шомуродов ташлаб берган тўпни Қодирқулов дарвозага йўллади. Ноаниқ. Аммо Санжарни олқишласак арзийди.

• 26'

  Жамоалар майдон марказида ўйнай бошлади. Вакилларимизнинг тўп билан муомаладаги ишлари анча яхшиланиб қолди.

• 24'

  Алижоновнинг ҳаводан узатган тўпига Машарипов ета олмади.

• 22'

  Яна бир вазиятда тўпни қабул қилишдаги хатони деб имкониятни қўлдан бой бердик.

• 21'

  Яхшибоев жарима майдони ичида йиқилди. Мухторов ҳаммаси жойида деб ҳисоблади.

• 20'

  Шомуродов яхши имконият ҳосил қилиши мумкин эди. Аммо тўпни узоқлаштириб юборди. Дарвозабон уни узоқлаштирди.

• 18'

  Эрон прессингда яхши ўйнамоқда. 

• 16'

  Шомуродовнинг иккинчи қаватдаги устунлигидан рақибларимиз бохабар. Бизникилар эса ҳаводан тўп узатишдан тўхтамаяпти.

• 15'

  Азмуннинг зарбаси Элдордан ҳам ўтганди. Шукрки, сукинлашди ва дарвозабон бир амаллаб уни ушлаб олди.

• 15'

  Марказда кўп тўпни йўқотмоқдамиз. Абрамов марказдагиларни тезроқ алмаштирмаса бўлмайди, чоғи.

• 14'

  Дарвозамизга йўлланган навбатдаги зарбага ҳам ҳимоячиларимиз имкон бермоқда, яхшики, ноаниқ.

• 11'

  Маврказда тўпни олдириб қўйганимиз ортидан дарвозамиз хавф остида қолди. Хайриятки, форслар якуний нуқтада адашмоқда.

• 10'

  Эронликларнинг қарши ҳужуми жуда хавфли чиқди. Азмун дарвозабон майдончаси ичида Суюновга тегинди. 

• 8'

  Суюновнинг қўпол хатосидан сўнг, эронликларда яхши имконият ҳосил бўлди. Азмуннинг ўта қулай имкониятдан берган зарбаси ноаниқ кетди.

• 6'
  

  Бурчак узатмасига Қобилов берган зарба ноаниқ чиқди.

• 6'

  Яхшибоевнинг ўнг қанотдан кириб бориши ва узатмаси бурчак зарбаси ишлашимизга сабаб бўлди. 

• 5'

  Суюнов ўз вақтида тўпга чиқиб рақиб ҳужумини бартараф этди.

• 4'

  Дастлабки дақиқаларда рақибларимиз тўпга эгалик қилмоқда.

• 2'

  Хажи Сафининг узатмасини ҳимоячилар ўтказмади.

• 1'

  Ўйинни меҳмонлар бошлаб беришди. Ярим дақиқалик прессингдан сўнг, тўпга эга бўлдик.

• 1'
  

  Ўйин бошланди. Олға, Ўзбекистон.

• 0'

  Энди терма жамоалар эсдалик учун суратга тушиб олишади.

• 0'

  Азизлар, мадҳиямиз янграмоқда.

• 0'

  Футболчиларимиз ва рақиб жамоа вакиллари майдонда саф тортишди. Навбат мадҳияларга. Дастлаб, эронликлар мадҳияси янграйди.

• 0'

  Жамоалар майдонга тушиб келишмоқда.

• 0'

  Эронга қарши беллашувларда 10 маротаба майдонга тушган бўлсак, 1 та учрашувдагина ғалабага эришганмиз. 8 та ўйин форслар фойдасига ҳал бўлган. Яна бир беллашувда томонлар муроса кўчасини танлаган.

• 0'

  Ассалому алайкум, азиз футбол ихлосмандлари. Бугун миллий терма жамоамиз иштирокидаги учрашувни матнли тарзда Абдулвосид Валихонов эътиборингизга ҳавола этади.