"Sho‘rtan" ham o‘z safiga yangi o‘yinchilarni qo‘shib olyapti

Pro liga ishtirokchisi G‘uzorning “Sho‘rtan” jamoasi ham rejaga asosan tayyorgarlik ishlarini olib boryapti.

Yaqinda “Mash’al”ga qarshi nazorat uchrashuvini (2:2) o‘tkazgan “Sho‘rtan” ikkinchi bosqich yig‘inini yakunlagandi. Endilikda Asror Aliqulov boshchiligidagi jamoa uchinchi bosqichga kirishishdi.

Klub matbuot xizmatining xabariga qaraganda, “Sho‘rtan” safiga yana bir qator o‘yinchilar kelib qo‘shildi. Bular: Davron Isoqov (“Buxoro”), Nodirbek Abduxoliqov (AGMK), Farhod Imomov (AGMK), Abduvohid Sharipov (“Navbaxor”) va Akobir Qayumov (“Bunyodkor”).

Reja bo‘yicha, 29 yanvar kuni G‘uzorning BO‘SM maydonida navbatdagi sinov nazorat uchrashuvi doirasida “Sho‘rtan” klubi Samarqandning “Dinamo” jamoasi bilan bahs olib boradi.