Шота Арвеладзе: "Пахтакор" кўп нарсаларга қодир

"Локомотив" билан доимгидек қизиқарли ўйин кутмоқдаман. Бизда ўйинга тайёрланиш учун кўп вақт бўлгани йўқ. Чемпионлар Лигасида "Ал Аҳли"га қарши учрашув ўтказдик ва энди Ўзбекистон чемпионатини бошлаш вақти етиб келди.

Биз Чемпионлар Лигасида кетма-кет тўрт ўйинда майдонга тушдик. Жамоанинг руҳий тайёргарлиги қандай? Руҳият жуда мураккаб масала, муҳими ҳеч қачон ошириб юбормаслик ва ҳамиша барчага ҳақиқатни айтишдир. Майдонда мен ўйнамадим, футболчилар ўйнашди, улар ҳамма ишни амалга оширишди, ўз сифатларини кўрсатишди. Демак, биз кўп нарсага қодирмиз ва мен уларнинг барчасига ишонаман", - деб грузиялик мутахассиснинг сўзларини келтириб ўтди клуб расмий сайти.