Шпагачи ёшларимиз Сербиядан қайтиб келишди

Бахтиёр Ғаниев бошчилигидаги шпага бўйича Ўзбекистон ёшлар терма жамоаси Сербиянинг Шабац шаҳрида ўтказилган жаҳон кубогида иштирок этиб қайтишди. Ушбу турнирда дунёнинг турли чеккаларидан 226 нафар ёш шпагачилари қатнашди. 

Вакилларимиз орасида энг яхши натижани қайд этган қиличбоз Файзулла Алимов бўлди. Юртдошимиз 226 спортчи орасида 79-натижани қайд этди. Нодирбек Мўминов гуруҳ босқичидан кейинги давраданинг илк беллашувидаёқ имкониятни бой берган бўлса, Санжар Собиров ҳамда Санжар Алимов гуруҳ босқичидан ўта олишмади. Жамоавий баҳсларда вакилларимиз 23 мамлакат орасида 22-бўлишди.