Шпагачиларимиз жаҳон кубогида

19-25 март кунлари Хитойнинг Чэнду шаҳрида қиличбозликнинг шпага йўналиши бўйича аёллар ўртасида жаҳон кубоги бўлиб ўтади. Айни ушбу қуролда эркаклар ўртасидаги мусобақага эса Аргентинанинг Буэнос-Айрес шаҳри мезбонлик қилади.

Шахсий ва жамоавий йўналишда ўтказиладиган баҳсларда терма жамоамиз вакиллари ҳам иштирок этадилар. Вакилларимиз айни пайтда Москва вилоятида халқаро ўқув-йиғин машғулотида жаҳон кубогига қизғин ҳозирлик кўришмоқда. Терма жамоамизнинг ушбу мусобақаларда қатнашадиган таркиби қуйидагича:

Файзулла Алимов
Жавохир Нурматов
Роман Александров
Матвей Кремнев
Абдулвосид Насирдинов
Малика Ҳакимова
Вероника Рожкова.