Шу ўйинчи керакми, юз миллион фунт тўланг!
Англия Премьер лигасининг энг бадавлат клубларидан ҳисобланган “Ньюкасл Юнайтед” бир қатор гранд клублари нишонида турган италиялик ярим ҳимоячи Сандро Тоналини сотишга кўнди.
Сўнгги маълумотларга қараганда, “қарғалар” ўз юлдузига харидор кўпайиб бораётганини инобатга олиб, бу трансфер учун 100 миллион фунт миқдорида бадал пули белгилади.
Италия терма жамоаси футболчисига ҳозирнинг ўзида “Манчестер Сити”, “Арсенал” ва “Манчестер Юнайтед” жиддий қизиқиш билдирмоқда.
“Манчестер Сити” спорт директори Уго Виана аввалроқ “Ноттингем Форест” ярим ҳимоячиси Эллиот Андерсон бўйича таклиф киритган эди. Аммо “ўрмончилар”дан рад жавобини олгач, бор эътиборини Тонали трансферига қаратди.
La Gazzetta dello Sport маълумотига кўра, “Ньюкасл”нинг 100 миллион фунтлик нарх белгилагани ўйинчига даъвогар клубларни қўрқитаётгани йўқ.
Фикрлар