Шу рақибдан эҳтиёт бўлиш керак! Салоҳ “Ливерпуль”нинг асосий “душманини” айтди

Англия Премьер-лигасининг янги мавсумида “Ливерпуль” чемпионлик унвонини муносиб ҳимоя қилишга ҳаракат қилади. Бундан ташқари мухлислар Арне Слот шогирдларидан халқаро майдонда ҳам муваффақият кутяпти.

Жамоа етакчиси Муҳамад Салоҳ Премьер-лигасида ғолибликка асосий даъвогар сифатида бошқа клуб – “Арсенал”ни кўрсатди.

- “Арсенал” ажойиб жамоа ва бу мавсум ғалабага имконияти катта. Мен “Арсенал”ни чемпионлик учун асосий фаворит, деб ҳисоблайман. Чунки жамоанинг кўп ўйинчилари беш йилдан бери бирга ўйнаяпти, - деди 33 ёшли тўпурар.

Қизиғи шундаки, Микель Артета қўл остида “канонирлар” бир неча йилдан бери Премьер-лигани иккинчи ўринда якунлаб келмоқда. Бунгача “Манчестер Сити” лондонликлардан ўзиб кетган бўлса, ўтган мавсум “Ливерпуль” чемпионликка эришди.