Шу ростми, Мбаппе?

Европа матбуотида Килиан Мбаппе ПСЖнинг бош мураббийи  Маурисио Почеттино ва жами 13 нафар футболчини “қора рўйхат”га киритиб, уларнинг ПСЖдан кетишига эришмоқчи экани ҳақида хабарлар тарқатилди.

Мбаппе кўпчиликни ҳайратга солган бу маълумотга муносабат билдирди.

- Буларнинг бари ёлғон хабар, - деб ёзди 23 ёшли футболчи ижтимоий тармоқдаги саҳифасига.

Аввалги хабарга кўра, Мбаппе ҳозирги жамоадошларидан Неймар, Мауро Икарди, Юлиан Дракслер, Тило Керер, Леандро Паредес, Андер Эррера, Лейвипен Курзава, Данилу Перейра, Пабло Сарабия, Хуан Бернат, Идрисса Гуйе, Колин Дагба ва Серхио Рико билан ўйнамоқчи эмаслиги айтилганди.

Маълумки, клуб раҳбарияти Мбаппе олиб қолиш учун унга ўта катта маош билан бирга жамоанинг трансферларига аралаш ваколатини ҳам берган.