Шу уч ўйинчи келса, манчестерликларни енгиб бўлмайди!

Англия Премьер-лигасида ўта муваффақиятсиз иштирок этган “Манчестер Юнайтед” келаси мавсум олдидан таркибини жиддий даражада кучайтирмоқчи.

Манчестерликлар ҳужум чизиғида катта ўзгариш қилади. Клуб ҳозирнинг ўзида олдиги чизиққа  уч нафар кучли футболчи танлаб қўйди ва бу трансферлар учун 144 миллион евро харажат қилишни мўлжалламоқда.

Fichajes сайтининг ёзишича, Рубен Аморим рўйхатига киритилган ҳужумчилардан бири Антуан Семеньо айни пайтда “Борнмут” ўйинчиси ҳисобланади. Ганалик футболчи жисмоний қуввати ва тезкорлиги билан ажралиб туради. Унинг трансфери 45 миллион еврога баҳоланяпти.

“Ипсвич Таун” бу мавсум Премьер-лигани тарк этди. Бироқ бу жамоа ҳужумчиси Лиам Делап бир неча гранд клублар эътиборини қозонган. “Юнайтед” мутасаддилари 36 миллион еврога нархланган ўйинчи билан музокара бошлади.

Манчестерликларнинг учинчи нишони Матеус Кунья тўпурарлик салоҳияти ва универсаллиги билан ажралиб туради. “Вулверхэмптон”нинг бразилиялик легионери 63 миллион евро тўлаш керак.