Шу йигит келажакда дунёнинг энг зўр ўйинчисига айланади!

Германия футболининг ёрқин юлдузларидан Лотар Матеус “Бавария”да тўпурарлик маҳоратини намойиш қила бошлаган Жамол Мусиалани ёрқин келажак кутаётганини таъкидлади.

- Жамол ўзида меҳнатсеварлик ва мақсад сари интилиш каби хусусиятларни жамлаган ноёб ўйинчи. Ўйлашимча, беш йиллардан кейин дунёнинг энг зўр футболчиси даражасига етади. Балки бу воқеа эртароқ содир бўлар. Шунга қарамай, ёш футболчиларга босим ўтказмаслик керак, - деди Лотар Маттеус.

19 ёшли ҳужумкор футболчи учта клуб – “Саутгемптон”, “Челси” ва “Бавария” ёшлар жамоасида тарбия топган. Икки йилдан бери мюнхенликларнинг асосий жамоасида тўп тепиб келмоқда.

Мусиала жамоани Роберт Левандовски тарк этганидан кейин асосий тўпурарга айланиб олди. У янги мавсумда Бундеслига ва Германия Суперкубогида жами учта ўйин ўтказиб, ўз ҳисобига тўртта гол ва битта ассист расмийлаштирди.