Шуҳрат Мақсудов "Бунёдкор"нинг мағлубияти ҳақида қандай фикр билдирди?

“Бунёдкор” клуби 2-турда “Қизилқум”га қарши учрашувда 3:1 ҳисобида ютқазиб қўйди. Ўйиндан кейин “қалдирғочлар” бош мураббийи Шуҳрат Мақсудов мағлубиятни қуйидагича изоҳлади:

- Ёш футболчиларимизга катта раҳмат демоқчиман. Янги “Бунёдкор”нинг мақсади шундайки, академиямиздан ёш ўйинчиларни жалб қилганмиз. Асосий таркибда уларни майдонга туширяпмиз. Бу йигитлардан қониқиш ҳосил қилдим. Албатта, уларга тажриба етишмади. Яқин келажакда терма жамоаларимизга шу ёшларимиздан муносиб ўйинчиларни етиштириб бериш вазифамиз саналади. Фақат натижадан қониқмадим. “Қизилқум” жамоасини ғалаба билан табриклайман.