Швейцария Қатарга боради, амалдаги Европа чемпионлари эса мундиалсиз қолиши мумкин

"ЖЧ-2022" саралаши Европа минтақасидан ўрин олган Шимолий Ирландия ва Италия ўртасидаги учрашув якунига етди. Мазкур баҳсда гол уриш ҳеч бир жамоага насиб этмади. 

Ушбу дурангдан сўнг Италия очколари сонини 16 тага етказиб олиб, ўз гуруҳида иккинчи ўринни қўлга киритди. Энди "Скуадра Адзурра" мундиал йўлланмаси учун плей-офф босқичида иштирок этади. 



"C" гуруҳида кутилмаганда Швейцария терма жамоаси биринчи ўринни эгаллаб, жаҳон чемпионати йўлланмасини қўлга киритди. Ҳал қилувчи баҳсда улар Болгария дарвозасига жавобсиз 4 та гол урди. 

Қайд этиш жоиз, 18 очко тўплаган Швейцария Италиядан 2 очко кўп жамғарди ва сенсацион тарзда ўз гуруҳида биринчи ўринни эгаллади.