Сирожиддин Эшонбоев "ATF Championship 7" турнирида россиялик кучли рақибга қарши жанг қилади

Хабар бериб ўтганимиздек, 13 февраль куни Музаффар Раджабов асос солган "ATF Championship " промоушенининг еттинчи турнири Тошкентда ташкил этилади. 

Мазкур турнирда ўзбекистонлик бир қатор маҳоратли ММА вакиллари октагонга кўтарилади. Улар орасида энг тажрибалиси, шубҳасиз, Сирожиддин Эшонбоевдир, десак янглишмаган бўламиз. 

Ушбу ҳамюртимиз "ATF Championship 7 " турнирида россиялик Виктор Низовойга қарши жанг қилади. Низовой ҳозирга қадар 5 та жанг ўтказган ва барчасида ғалаба қозонган. Эшонбоевнинг кўрсаткичи эса 18-8 кўриниш олган. 

Шу ўринда, ушбу юртдошимизга бўлажак жангда омад ёр бўлишини тилаб қоламиз!