"Siti" "Arsenal" ko‘zlagan futbolchini ilib ketishi mumkin

"Manchester Siti"ning yozgi transferlar doirasida darvozabon pozitsiyasiga yangi o‘yinchi olishi "Arsenal"ning rejalarini barbod qilishi mumkin. Bu haqda "CaughtOffside" nashri xabar bermoqda.

Avvalroq, "Manchester Siti" "Portu"dan Diego Koshtani sotib olmoqchi ekani haqida ma’lumot tarqalgandi. Posbonga Londonning "Arsenal" klubi ham jiddiy qiziqish bildirmoqda. Shuningdek, Koshtaning "Manchester Siti"ga o‘tishi "Bavariya" tufayli ham murakkablashishi mumkin.

Nemis klubi ingliz grandidan ko‘proq taklif bilan chiqsa, futbolchini o‘z safiga qo‘shib olishi ehtimoli bor.

Ma’lumot uchun, joriy mavsumda 25 yoshli Koshta "Portu" safida jami 34 ta o‘yinda maydonga tushdi va ularning 15 tasida o‘z darvozasi daxlsizligini saqlab qoldi.