“Сити” бир вундеркинд учун пулни аямади

“Манчестер Сити” раҳбарияти “Флуминенсе” ҳужумкор ярим ҳимоячиси Кайкининг трансферини ижобий ҳал қилди.

Бу футболчининг Англия келиши учун “шаҳарликлар” 12 миллион евро ва қўшимча бонуслар тўлайдиган бўлди. Шунингдек, 17 ёшли футболчи кейинчалик бошқа клубларга сотиб юборилса, ўша трансфердан 20 фоиз улуш ҳам ажратадиган бўлди.

Келишувга кўра, “Манчестер Сити” 17 ёшли футболчи 2022 йилнинг охирига қадар ўз жамоасида ўйнаб туришига рухсат бергани айтилмоқда.

Шундан сўнг, Англияга келадиган Кайки “Сити” билан беш йиллик битимга имзо чекади.