“Сити” Фернандес учун “Челси” кутганидан анча кам маблағ таклиф қилди

Англиянинг “Манчестер Сити” клуби аргентиналик ярим ҳимоячи Энцо Фернандес трансфери бўйича “Челси”га таклиф юборди.

Бу ҳақда журналист Николо Скира Х ижтимоий тармоғида хабар берди.

“Манчестер Сити»”Энцо Фернандес трансфери учун “Челси”га 120  миллион евро таклиф қилди. “Челси” раҳбарияти эса,  кўпроқ – 140 миллион евро хоҳламоқда. Музокаралар давом этмоқда, - деб ёзди Николо Скира.

25 ёшли Энцо Фернандес Англия Премьер-лигасининг 2025/2026 йилги мавсумида 36 та ўйин ўтказиб, 10 та гол урди ва тўртта голли узатмани амалга оширди. Шунингдек, унинг ҳисобида Чемпионлар лигасида 10 та ўйин, учта гол ва иккита голли узатма бор. Фернандес 2026 йилги жаҳон чемпионатида Аргентина терма жамоаси сафида иштирок этди. У турнирда еттита ўйин ўтказиб, иккита гол урди.