"Сити" ҳимоячи трансфери учун катта миқдорда пул тўлайди

"Манчестер Сити" ҳужумчи Умар Мармушнинг трансферини эълон қилди. Бироқ, "шаҳарликлар"нинг трансферлар ойнасидаги юриши ҳали якунланмаган.

ОАВ АПЛнинг амалдаги чемпионлари "Ювентус" ҳимоячиси Андреа Камбиасони сотиб олмоқчи эканлиги ҳақида ёзмоқда. "Манчестер Сити" 24 ёшли италиялик футболчи трансфери бўйича таклиф тайёрлаётган бўлиши мумкин.

"Transfer News Live"нинг хабар беришича, "Сити" Камбиасонинг трансфери учун 65 миллион евро таклиф қилмоқчи.

Маълумот учун, жорий мавсумда Камбиасо 27 та ўйин ўтказиб, иккита гол урди ва иккита голли узатмага муаллифлик қилди.