“Сити” ҳужумчиси рақиб жамоага ўтиб кетмоқчи

“Манчестер Сити”нинг ҳужумкор футболчиси Райан Шерки Англия Премьер-лигасининг яна бир топ-клуби қизиқиш доирасига тушди.

Transfer News Live аккаунти хабарига кўра, 22 ёшли франциялик ўйинчини Лондоннинг “Челси” клуби ўз сафига қўшиб олишни истаяпти.

Шеркининг бугунги кундаги трансфер қиймати 65 миллион еврони ташкил қилади. Унинг “шаҳарликлар” билан шартномаси 2030 йилнинг июнь ойи охиригача амал қилади.

Райан Франциянинг “Лион” жамоаси тарбияланувчиси ҳисобланади ва профессионал фаолиятини айнан лионликлар сафида бошлаган.

“Манчестер Сити” иқтидорли ўйинчини ўтган ёз 36,5 миллион евро эвазига ўз сафига қўшиб олди. Райан жорий мавсум барча турнирларда 41 та учрашувда майдонга тушиб, 9 та гол ва 10 та ассист муаллифи бўлди.