“Siti” Kevin de Bryuynega qaysi jamoaga o‘tishni aytdi

“Manchester Siti” pleymeykeri Kevin de Bryuynening klub bilan shartnomasi yozda yakuniga etadi va belgiyalik futbolchi jamoadan ketish bo‘yicha yakuniy qarorga kelib bo‘lgan.

The Telegraph nashrining ma’lum qilishicha, “Manchester Siti” xo‘jayinlari 33 yoshli o‘yinchining begona jamoaga o‘tib ketishini istamayapti. Ular Kevingi bir necha klubga, xususan, “Manchester Siti”ga egalik qiluvchi  City Football Group xoldingiga qarashli jamoalardan biriga o‘tishni tavsiya qilmoqda.

Mazkur xolding bir necha mamlakatda o‘z jamoasiga ega. Ayrim manbalar Kevin de Bryuyne AQShga ketmoqchi ekanini yozmoqda. Bu holatda u City Football Group tarkibiga kiruvchi “Nyu-York Siti” klubini tanlashi mumkin.

Qolaversa, bu qudratli tashkilot “Melburn Siti” (Avstraliya), “Jirona” (Ispaniya), “Trua” (Frantsiya), “Mumbay Siti” (Hindiston) kabi bir necha jamoalarga ham egalik qiladi.