“Сити” Родри бўйича “Барса”нинг иккинчи таклифига кутилмаган жавоб берди

The Times нашрининг маълумотига кўра, Родрининг трансфери бўйича “Барселона”нинг иккинчи таклифи ҳам “Манчестер Сити” томонидан рад этилди.

Аввалроқ каталонияликлар испаниялик ярим ҳимоячи учун тахминан 60 миллион евро таклиф қилгани хабар қилинган эди. Манба маълумотига кўра, “Манчестер Сити” бу таклифни қабул қилмаган ва футболчи учун тахминан 80 миллион евро талаб қилмоқда.

Бундан аввал “Барселона”нинг тахминан 45 миллион евролик биринчи таклифи ҳам рад этилганди.

Родри 2025/2026 йилги Англия чемпионатида 21 та ўйинда майдонга тушиб, битта гол урган. Чемпионлар лигасида эса у бешта учрашувда қатнашган, аммо самарали ҳаракат қайд этмаган.