“Siti” super transferni uddaladi

“Manchester Siti” mutasaddilari bir transfer orqali bosh murabbiy Xosep Gvardiolaga kerak bo‘lmay qolgan futbolchidan qutilib, o‘rniga yangi o‘yinchi olishni uddaladi.

Manchesterliklar “Benfika”da ishonchli o‘yin ko‘rsatayotgan 23 yoshli markaziy himoyachi Ruben Diashga ko‘z tikayotgan edi. Inglizlar bu futbolchi uchun belgilangan 55 million evroni pasaytira olmadi.

Lekin “shaharliklar” Diashning transferiga jamoadan ketishi kutilayotgan 32 yoshli Nikolas Otamendini qo‘shishga muvaffaq bo‘ldi.  Tomonlar argentinalik tajribali futbolchini 15 million evroga baholadi.

Endi Ruben Diash shu kunlarda Angliyaga kelib, tibbiy ko‘rikdan o‘tadi va jamoa bilan besh yillik shartnoma imzolaydi. Otamendi esa, Portugaliya chempionatiga ravona bo‘ladi.