“Сити” хурсанд бўлма, “Арсенал”га етишингга ҳали анча бор!
Хосеп Гвардиола бошқарувидаги “Манчестер Сити” Англия кубоги финалидаги ғалабасидан кейин айнан мана шу совринлар жамғариш бўйича “Челси”, “Ливерпуль” ва “Тоттенхэм”га етиб олди.
Бу галги соврин “шаҳарликлар” учун ушбу мусобақадаги саккизинчиси бўлди.
Англия кубогидаги ғалабалар сони бўйича рекордчи “Арсенал” ҳисобланади. Лондон суперклуби ўз тарихида жами 14 маротаба ушбу нуфузли совринга эга чиққани қайд этилган.
Рейтингда иккинчи ўринда жойлашган “Манчестер Юнайтед” жамоаси вакиллари Англия кубогида 13 маротаба ғолиб бўлган.
Саккизтадан кубокка эга бўлган “Ливерпуль”, “Тоттенхэм Хотспур”, “Челси” ва “Манчестер Сити” учинчи ўринни бўлишиб турибди.
“Астон Вилла”да еттита, “Блэкберн Роверс” ва “Ньюкасл Юнайтед”да эса олтитадан Англия кубоги мавжуд.
Фикрлар