Слот: "Биз учун турнир жадвалида "Манчестер Сити" эмас, "Арсенал" етакчилик қилаётгани фойдали"

"Ливерпуль" бош мураббийи Арне Слот Англия Премьер-лигасидаги чемпионлик учун кураш ҳақида фикр билдирди.

"Чемпионлик учун курашми? Ҳозир бу ҳақда ўйламайман. Аммо, эҳтимол, биз учун "Манчестер Сити" эмас, "Арсенал" етакчилик қилаётгани фойдали", — деди Слот "TNT Sports" нашрига берган интервьюсида.

Шанба куни мерсисайдликлар мағлубиятлар сериясига чек қўйиб, ўз майдонида "Астон Вилла"ни 2:0 ҳисобига мағлуб этди. Бу ғалабадан сўнг "қизиллар" жадвалда еттинчи ўриндан учинчига кўтарилди, аммо етакчи "Арсенал" билан фарқ ҳамон етти очкони ташкил этмоқда. Шу куни "канонирлар" ҳам "Бёрнли"ни 2:0 ҳисобида енгди.

Хосеп Гвардиола бошқарувидаги жамоа бугун "Борнмут"га қарши баҳс олиб боради. Ҳозирда "шаҳарликлар" жадвалда саккизинчи ўринни эгаллаб турибди ва етакчи "Арсенал"дан тўққиз очкога орқада, бир ўйин кам ўтказган.