Слот "Манчестер Сити"га қарши ўйнамайдиган футболчиларни айтди

"Ливерпуль" бош мураббийи Арне Слот Англия Премьер-лигаси 11-туридан ўрин олган "Манчестер Сити"га қарши марказий ўйин олдидан жамоасининг жароҳат олган футболчилари ҳолати ҳақида маълумот берди. Ўйин 9 ноябрь, якшанба куни Тошкентда соат 21:30 да бошланади.

"Исак бугун уч ҳафталик танаффусдан сўнг илк бор жамоа билан шуғулланади. Аввал айтган гапимни яна такрорлашга мажбурман: унга озгина вақт беринг. Алисон қайтмоқда, ўйлашимча, Жереми Фримпонг ҳам сафда бўлиши керак, аммо иккаласи ҳам ноябрь ойидаги халқаро танаффусдан кейин", - дея Слотнинг сўзларини келтиради "Ливерпуль" матбуот хизмати.

"Ливерпуль" АПЛ 10-туридан кейин очколарини 18 тага етказиб олган ҳолда турнир жадвалида учинчи ўринда бормоқда.