Собиқ жаҳон чемпиони: "Мбаппе ПСЖда "Олтин тўп"ни қўлга кирита олмайди"

"Арсенал" ва "Барселона"да ўйнаган 1998 йилги собиқ жаҳон чемпиони Эммануель Пети Килиан Мбаппенинг "Олтин тўп"ни ҳозирги клуби ПСЖда олишига шубҳа билан қарайди. Унинг фикрича, бунинг учун Мбаппе парижликларни тарк этишига тўғри келади.

"У француз футболида мумкин бўлган барча рекордларни янгилади, аммо Чемпионлар лигасида ғалаба қозониш ва дунёнинг энг яхшиси бўлиш ва "Олтин тўп"ни қўлга киритиш учун ПСЖни тарк этишинг керак. Мбаппеда "Олтин тўп" учун салоҳият юқори, - дея Петининг сўзларини келтиради "Legal Sportsbook".

Эслатиб ўтамиз, Мбаппе 2017 йилдан буён Париж жамоасида ўйнамоқда.