Собиқ «Реал» ўйинчиси Ўзил ва Мбаппени Мессидан юқори қўйди

«Реал» клубининг собиқ юлдузи Марсело Мадрид жамоасига бўлган садоқатини яна бир бор намоён этди. Унга шартли тарзда уч нафар футболчи — Килиан Мбаппе, Месут Озил ва Лионел Месси орасида танлов қилиш таклиф этилди. Қоидага кўра, биттасини асосий таркибга қўйиш, иккинчисини захирада қолдириш, учинчисини эса умуман ўйин рўйхатига киритмаслик керак эди. Марсело танловда «Реал» билан боғлиқ футболчиларга устуворлик берди.

Саволга жавоб қайтарар экан, Марсело асосий таркибга Месут Озилни жойлаштирди, Килиан Мбаппени эса захирада қолдиришни маъқул кўрди. Лионел Месси эса бразилиялик футболчининг шартли рўйхатига ҳам кирмади. Марселонинг бу қарорини The Touchline нашри қайд этди.

Эслатиб ўтамиз, бундан аввалроқ Марсело Лионел Месси билан таққослашда Криштиану Роналдуни афзал кўрганини айтган эди.