"Сўғдиёна" етакчиларидан бири жамоасини ўзгартириши мумкин

"Сўғдиёна" ҳимоячиси Шаҳбоз Жўрабеков жамоасини ўзгартириши мумкин.

SPORTS.uz сайти журналисти Яҳёхўжа Улуғхўжаевнинг телеграм каналида ёзишича, футболчи билан Суперлиганинг бир нечта жамоалари қизиқиб қолган. Шаҳбознинг ўзи эса, қарор қабул қилишга шошилмоқчи эмас. У барча таклифларни ўйлаб кўриб, сўнг якуний хулосага келишга қарор қилган.

Эшитишимизча, Жиззах клуби ҳам Жўрабековни таркибда олиб қолишни истамоқда. Воқеалар ривожини кузатишда давом этамиз.