"Сўғдиёна" икки футболчиси билан шартномани узайтирди

Суперлига ўтган мавсумини 7-поғонада якунлаган "Сўғдиёна" икки футболчиси билан шартнома узайтирилганини эълон қилди.

Жиззахликлар Жавоҳир Қаҳрамонов ҳамда Аюбхон Нўъмонов билан янги битим имзолади. Ҳар икки ярим ҳимоячи "бўрилар" таркибида 2023 йил сўнгига қадар қолади.

Қаҳрамонов ортда қолган мавсум чемпионат доирасида 26 учрашувда майдонга тушиб, ўз ҳисобига 5 гол ва 2 ассистни ёздириб қўйишга муваффақ бўлган.