“So‘g‘diyona” “Qizilqum”ga qarshi tayyorgarlikni boshladi

Oliy liganing 5-turida “So‘g‘diyona” o‘z maydonida “Obod”ni qabul qildi va 1:0 hisobida g‘alaba qozondi. Jizzaxliklar o‘yindan so‘ng qisqa muddatli ta’tilga chiqqandi. Bu haqda klubi matbuot xizmati xabar bermoqda.

Manbaning ma’lum qilishicha, Davron Fayziev shogirdlari kecha “So‘g‘diyona ” qarorgohida yig‘ildi. Jamoa oliy liganing 6-tur doirasida bo‘lib o‘tadigan “Qizilqum”ga qarshi bahsga tayyorgarlikni boshlab yubordi.

Eslatib o‘tamiz, o‘yin 15 aprel kuni soat 18:00 da Navoyning “Yoshlar sport majmuasi” stadionida bo‘lib o‘tadi. O‘rinbosarlar bahsi esa 14 aprel kuni soat 16:00 da start oladi.