"Сўғдиёна" – ОКМК учрашуви олдидан превью

Суперлиганинг қолдирилган 8-турида ОКМК "Сўғдиёна" жамоаси билан 1-давранинг сўнгги баҳсида ўзаро тўқнаш келади.

Бўлажак ўйин мазкур қарама-қаршилик тарихидаги 29-учрашувга айланади.

Иккала жамоа ҳам ўзаро учрашувларда 10 маротабадан ғалабага эришган ва қолган 8 ўйинда дуранг қайд этилган. Тўплар нисбати "кончилар" фойдасида: 39-29.

Жамоаларнинг сўнгги бор 2022 йил, 30 сентябрь куни ўтказилган учрашувида «кончилар»нинг қўли баланд келган. Ўшанда Жиззахда ўтказилган ўйинда Хуршид Ғиёсов ва Мартин Боакенинг голлари жамоамизга ғалаба келтирган.

Суперлига, 8-тур (қолдирилган ўйин).

1 июль, шанба

"Сўғдиёна" — ОКМК (20:00)

Жиззах, "Сўғдиёна спорт мажмуаси" стадиони.

Ҳакамлар: Султонмурод Абдураҳмонов, Александр Сидоров, Бахтиёрхўжа Шавкатов, Жалолиддин Ҳуснитдинов

ВАР ҳаками: Раҳимбек Каримов

АВАР: Обид Жумаев

Назоратчи: Зокир Қодиров

Комиссар: Жаҳонгир Раҳматуллаев