Сонг Ядонг: "UFC менга чемпионлик жангини беради, агар..."

Хитойлик UFC жангчиси Сонг Ядонг россиялик Умар Нурмагомедовга қарши баҳс олдидан ўз фикрларини билдириб ўтди.

"Умар — энг зўри ва буни ҳамма билади. Агар уни мағлуб этсам, менга, албатта, титул имкониятини беришади. 

Ўйлашимча, ҳозир Нурмагомедовга қарши жанг учун энг қулай пайт. Охирги вақтларда бир қатор кучли рақиблар билан октагонга чиқдим, катта тажриба тўпладим. Машғулот йиғини жуда яхши ўтди, айниқса кураш устида жуда кўп ишладик. Мен билан бирга чемпионлар ҳам шуғулланишди. Улар Умарга қарши беллашувда керак бўладиган бир нечта хитойча усулларни ҳам ўргатишди", — дея хитойликнинг сўзларини келтирди "MMA Junkie".

Эслатиб ўтамиз, Сонг Ядонг ва Умар Нурмагомедов қарама-қаршилиги 29 август куни Шанхайдаги "UFC Fight Night 286" турнирида ўтказилади.