Сўнгги дақиқаларда гол урган "Насаф" АГМК майдонида дуранг қайд этди

Ўзбекистон Суперлигаси 15-туридан ўрин олган АГМК ҳамда "Насаф" жамоалари ўртасидаги беллашувда томонлар 1:1 ҳисобидаги дурангга имзо чекди.

Ҳисобни очувчи гол 28-дақиқада Йован Жокич томонидан киритилди. Ушбу голдан бироз олдин "аждарлар" ярим ҳимоячиси Марко Станоевич пенальтидан фойдалана олмаганди. Ҳакам томонидан қўшиб берилган дақиқаларда Алиқулов жамоасини мағлубиятдан қутқариб қолди.

Шундай қилиб, олмалиқликлар 2-ўринга кўтарилиб олди. Улар ҳисобида 28 очко мавжуд. 24 очко жамғарган Бердиев шогирдлари онлайн жадвалда 5-поғонани банд этиб турибди.

• 90+3'
  

  Учрашув якунланди! Марказий ўйинда кучлар тенг келди!

• 90+2'
  

  ГОООООООООООЛ! "Насаф" ҳисобни тенглаштирди!

  Алиқуловнинг яқин масофадан берган зарбаси дарвоза тўридан жой олди.

• 90'
  

  Ўйиннинг асосий вақтига 3 дақиқа қўшиб берилди.

• 87'

  Сўнгги дақиқаларни меҳмонлар катта куч билан олдинги чизиқда ўтказмоқда.

• 85'
  

  Ягона гол муаллифи Жокич ўз ўрнини Жўраевга бўшатиб берди.

• 83'
  

  Ғайбуллев, Станоевич ҳамда Мозговой ўрнига Давронов, Комилов ва Турдиалиев ўйинга қўшилди.

• 81'

  Мурод Тошматовнинг зарбасига аниқлик етишмади.

• 80'
  

  Мартин Боаке ўз ўрнини Зафар Полвоновга бўшатиб берди.

• 78'

  Марко Станоевичнинг стандартдан йўллаган зарбасига аниқлик етишмади.

• 76'
  

  Акром Комиловга сариқ карточка кўрсатилди.

• 73'

  Мозговойнинг зарбасидан кейин тўп бироз ноаниқ кетди.

• 71'
  

  Мартин Боакега тиббий ёрдам кўрсатилмоқда.

• 69'
  

  Калудоровичнинг зарбасидан кейин Валиссон жамоасини муқаррар голдан сақлаб қолди.

• 68'
  

  АГМК сафида Қосимов, Фортес ҳамда Гадоев захирага олинди. Улар ўрнига Турсунов, Тошматов ва Ғофуров ўйинга қўшилди.

• 66'

  Ўйин қарама-қарши ҳужумлар остида давом этмоқда.

• 64'

  "Насаф"нинг узоқ давом этган позицион ҳужуми Бозоровнинг муваффақиятсиз узатмаси туфайли якунланди.

• 62'

  Сўнгги дақиқаларда Қосимов шогирдларининг ҳам бироз фаоллиги сезилмоқда.

• 59'

  Йован Жокичнинг уринишидан кейин тўп мўлжалга аниқ бормади.

• 57'
  

  Гадоевнинг жарима майдони ичидан йўллаган зарбасини Умиджон Эргашев ушлаб олди.

• 56'

  Қаршиликларнинг аксарият ҳужумлари зарбага қадар етиб бормаяпти.

• 54'

  Жарима майдонига ёриб кирган Бозоровни Жокич ишончли ҳаракатлари билан тўхтатди.

• 52'

  Иккинчи 45 дақиқаликда Бердиев шогирдлари катта устунлик намойиш этмоқда.

• 50'

  "Насаф" легионерининг бу сафарги зарбасига аниқлик етишмади.

• 49'

  Тўпга зарба бериш чоғида Калудерович қоида бузганлиги маълум бўлди. Ҳакам тўпни АГМКга қайтариб берди.

• 47'

  Дилшод Саитов рақиб қарши ҳужумини тактик фол эвазига тўхтатди.

• 46'
  

  Иккинчи тайм бошланди!

• 46'
  

  Футболчилар майдонга қайтди. "Насаф"да икки ўзгариш: Нарзуллаев ва Маннонов ўрнига Саитов ҳамда Норчаев ўйинга қўшилди.

• 45+5'
  

  Танаффус!

• 45+4'

  Раҳмонов марказда рақибига нисбатан қоида бузди. Унда сариқ карточка борлиги учун ҳакам оғзаки огоҳлантириш билан чекланди.

• 45+2'

  Тўпни ўзидан узоқлаштириб юборган Гадоев уни йўқотди. Алмаштирилиш учун энг яхши номзод айнан Шохрух.

• 45'
  

  Биринчи таймга 5 дақиқа қўшиб берилди.

• 44'

  Жарима майдонига оширилган тўпни Эргашев ушлаб олди.

• 42'
  

  Манноновнинг узатмасидан кейин Калудерович бош билан зарба йўллади. Раҳимов ўз ўрнида.

• 41'

  Ўнг қанотдан олдинга ўтган Элвин Фортес йиқилиб тушди тўпни йўқотди.

• 39'

  Ўйин темпи бироз пасайди. Томонлар эҳтиёткорли билан ҳаракат қилмоқда.

• 36'

  Жарима майдони ичида Калудерович тўпни ўзига бўйсундира олмади.

• 34'
  

  АГМК футболчиси воқеалар ривожидан илгарилаб кетди.

• 32'

  Гадоев узатма амалга оширишни эплай олмади. Тўп анча ноаниқ кетди.

• 30'

  Нарзуллаевнинг жарима майдонига оширган тўпини Раҳимов эгаллаб олди.

• 28'
  

  ГООООООООООЛ! Учрашувда ҳисоб очилди!

  Жарима майдонига етказиб берилган тўпни Жокич танаси билан дарвозага тўғирлаб юборди.

• 26'

  Бердиев шогирдлари кўпроқ тўп назоратига эътибор қаратмоқда. Мезбонлар қарши ҳужумда фурсат пойлаяпти.

• 23'

  Дониёр Нарзуллаев дарвозабонга нисбатан бироз қалтис ҳаракат қилди. Ўйин тўхтатилди.

• 21'

  "Насаф"нинг навбатдаги ҳужуми муваффақиятсиз якунланди.

• 19'

  Сулаймановнинг жарима майдони ичида берган зарбаси ҳимоячилардан ўтмади.

• 17'
  

  Марко Станоевичнинг кучли зарбасидан сўнг Валижон Раҳимов тўпни ушлаб олди. Браво!

• 16'
  

  ВАР лавҳаларини узоқ вақт давомида кўрган ҳакам пенальти белгилади.

• 14'

  Рустам Лутфуллин видеотакрорларни кўриш учун майдон четига йўл олди. Кутамиз.

• 12'

  АГМК жарима майдони ичида тўп Раҳмоновнинг қўлига тегди. Ҳакам ВАРга қулоқ солмоқда.

• 11'

  Тўп назорати "аждарлар" томонда бўлиб турибди.

• 9'

  Баландга сакраган Алиқулов Станоевич берган пасга ета олмади.

• 7'

  Мозговойнинг жарима майдонига оширган тўпини ҳимоячилар қайтарди.

• 6'

  АГМК бироз босиқ футболни афзал кўрмоқда.

• 4'

  Калудеровичнинг зарбасига аниқлик етишмади.

• 2'

  Илк дақиқаларни қаршиликлар нисбатан фаолроқ ўтказмоқда.

• 1'
  

  Ўйин бошланди!