Сўнгги икки кун ичида "Ювентус"нинг яна бир футболчисида коронавирус аниқланди

“Ювентус” ярим ҳимоячиси Хуан Куадрадонинг коронавирусга топширган тести мусбат натижа берди.

Клуб расмий сайтининг хабар беришича, колумбиялик футболчида касаллик аломатлари йўқ. Аммо шунга қарамасдан у карантинга олинган.

Бундан аввалроқ “Ювентус”нинг бошқа бир ҳимоячиси Алекс Сандрода COVID-19 аниқлангани маълум қилинган эди.

Куадрадо жорий мавсум А Серияда 13 та ўйинда иштирок этди ва жамоасининг 3 та голига ассистентлик қилди.