Сўнгги турда "Наполи" "Лацио"ни таслим этди

Италия чемпионати 38-туридан ўрин олган "Наполи" - "Лацио" беллашуви ўз якунига етди. Унда неаполликлар 3:1 ҳисобида ғалабага эришди.

Аммо ушбу учрашув турнир жадвалида ҳеч қандай ўзгаришларга сабаб бўлмади. Неаполликлар очколари сонини 62 тага етказиб олиб, 7-поғонани банд этди. "Лацио" эса 78 очко билан 4-поғонада қоладиган бўлди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Савич ва Элмас сариқ карточка ишлаб олди.

• 90+'

  Майдонда катта жанжал бошланиб кетди.

• 90+'
  

  ГООООООООООООЛЛЛЛЛЛЛЛЛЛ!!! Мертенснинг ажойиб пасидан сўнг Политано жарима майдони марказида бўшлиққа эга бўлди ва осонлик билан рақиб дарвозасини ишғол қилди.

• 90+'
  

  Учрашув асосий вақтига 6 дақиқа қўшиб берилди.

• 86'
  

  Учрашувдаги энг фаол футболчилардан бири Хоакин Корреа майдонни тарк этди. Унинг ўрнида Адеканье ҳаракат қилади.

• 84'
  

  Элмас Инсинье ўрнига майдонга тушди. Шунингдек, Зелински ўрнини Политано тўлдирмоқда.

• 83'
  

  Лаццари ўрнига Жордан Лукаку майдонга тушди.

• 81'

  Луис Альберто ҳужумда фол ишлатди. У ўзини босиб олмаса бўлмайди. Ҳакам сариқ карточкаларини аямаяпти.

• 79'
  

  Гульям ва Лосано майдонга тушди. Улар Кальехон ва Марио Руи ўрнида ҳаракат қилади.

• 76'

  Марушич қанотдан узатилган тўпга ноқулай вазиятда турганига қарамай, боши билан зарба берди. Тўп дарвоза тўрига ён тарафдан тегди.

• 72'

  Чанқоқ босиш учун танаффус берилди.

• 71'

  Мертенс томонидан ҳаволатиб узатилган тўпга Кальехон шу заҳоти зарба берди. Тўп ноаниқ кетди.

• 70'
  

  Иккала мураббий тортишиб кетишди ва ҳакам уларни карточка билан тинчлантирди.

• 69'
  

  Чиро Иммобиле ҳам карточкадан қуруқ қолмади.

• 68'
  

  Марио Руи огоҳлантирилди.

• 63'
  

  Ачерби ўрнига Бастос майдонга тушди.

• 62'

  Корреа ўткир бурчакдан дарвозага зарба берди. Оспина бундай тўпларни қўйиб юбормайди.

• 57'

  "Наполи"нинг хавфли қарши ҳужуми Фабиан Руизнинг зарбаси билан якунланди. Тўп ҳимоячига тегиб, майдонни тарк этди.

• 56'

  Корреа бир ўзи чап қанотдан жарима майдонига ёриб кирди. Унинг зарбаси яқин бурчак устунига бориб тегди.

• 54'
  

  ГОООООООООООООЛЛЛЛЛЛЛЛ!!! Лоренцо Инсинье осонлик билан дарвозабонни доғда қолдирди.

• 52'
  

  Мертенс қулай имкониятдан фойдалана олмади. Инсиньенинг қанотдан узатган тўпига бельгиялик форвард аниқ зарба йўллай олмади... Ҳакам пенальтига ишора қилди. Марко Пароло Мертенснинг оёғига томон хавфли чиқиб келган экан.

• 50'

  Инсиньенинг қанотдан узатган тўпини ҳимоячилар қайтариб юборишга эришди.

• 49'

  Инсинье жарима майдони кираверишида чалғитувчи ҳаракатларни амалга ошириб, дарвозага зарба берди. Стракоша ўз ўрнида.

• 46'

  Иккинчи таймдаги дастлабки ҳужум "Наполи"га тегишли бўлди. Аммо Кальехонга узатилган тўп анча олислаб кетди. Испаниялик футболчи тўпга ета олмас эди.

• 46'
  

  Иккинчи тайм бошланди.

• 45'
  

  Танаффус!

• 45+'
  

  Биринчи бўлимга 2 дақиқа вақт қўшиб берилди.

• 43'

  "Наполи" ҳимоячилари ва дарвозабон ўз жарима майдонлари олдида хавфли ўйнади. Сал қолса римликлар ушбу хатодан фойдаланиб, ҳисобни ўзлари томонга оғдиришлари мумкин эди.

• 39'

  Мертенснинг узатмасидан сўнг Марио Руи тўхтатмасдан тўпни дарвозага йўллади. Бироз ноаниқ.

• 33'

  "Лацио" ҳимоячилари жарима майдонига узатилган тўпларни осонлик билан қайтаришмоқда.

• 30'

  Тўп назорати "Наполи"да. Неаполликлар орқа чизиқда тўпни бир-бирларига етказиб берган ҳолда имкониятларини кутмоқдалар.

• 26'

  Футболчиларга чанқоқларини босиб олиш учун танаффус берилди.

• 22'
  

  ГООООООООООООООЛЛЛЛЛЛЛЛЛ!!! Иммобиле қайердандир жарима майдонида пайдо бўлди! Марушичнинг ажойиб узатмасини голга айлантирди.

• 20'

  Бу гал жарима майдони ёнгинасида Костас Манолас Корреани иккала қўллари билан итариб юборди. Учрашув ҳаками яна шунчаки жарима зарбаси белгилади. Карточкалари ёнидамикин?!

• 18'

  Жарима зарбаси бесамар якунланди.

• 17'

  Корреага нисбатан яна қоида бузилди. Лоботка бу гал айбдор ролида. Хавфли жарима зарбаси бўлиши мумкин. Катта эҳтимол билан тўп жарима майдонига етказиб берилади.

• 15'
  

  Кулибали Корреага нисбатан ишлатган қўполлиги учун огоҳлантирилди.

• 13'

  Фабиан Руизнинг ажойиб узатмасидан сўнг Инсинье қулай вазиятга чиқиб борди. Унинг зарбаси дарвоза устуни ёнгинасидан ўтиб кетди.

• 11'

  "Лацио" футболчиси майдон марказида Мертенсга нисбатан қоидани бузди. Ҳакам ҳозирча уни аяди.

• 9'
  

  ГООООООООООООЛЛЛЛЛЛЛЛЛЛЛЛ!!! "Наполи"нинг сўнгги дақиқалардаги тўпни назорат қилиши бесамар кетмади. Фабиан Руиз "Лацио" дарвозасини жарима майдони ташқарисидан ишғол қилди. Тўп йўл-йўлакай ҳимоячилардан бирига тегиб, дарвозабон учун ноқулай траектория ҳосил қилди.

• 5'

  Милинкович-Савич ҳужумда қоидани бузди.

• 1'
  

  Ўйин бошланди!