Москванинг "Спартак" клуби бош мураббий Доменико Тедесконинг келажак фаолияти борасида расмий баёнот берди.

“Сўнгги пайтларда ОАВда "Спартак" бош мураббийининг ўзгариши ва бу ролга номзодлар ҳақида миш-мишлар кўпаймоқда. Шу муносабат билан, клуб Доменико Тедескони ҳар томонлама қўллаб-қувватлайди ва у билан ҳамкорликни 2021 йил майигача давом эттириш истагини билдиради.

Ушбу давр клубимиз тарихидаги яна бир муваффақиятли саҳифа бўлишига ишонамиз. Доменико ва унинг оиласини Янги йил билан муборакбод этамиз ва унинг "Спартак"га қайтишини орзиқиб кутамиз”, - деб ёзилади расмий баёнотда.

Эслатиб ўтамиз, немис мутахассиси «қизил-оқлар» билан амалдаги мавсум охирида тугайдиган шартномани узайтиришдан бош тортган, шу сабабли мураббийнинг қишда кетиши мумкинлиги ҳақида миш-мишлар тарқалганди.

"Спартак" 19 турдан сўнг, РПЛ мусобақа жадвалида пешқадам "Зенит"дан 6 очко кам жамғарган ҳолда 3-ўринда бормоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)