Спорт курашлари. Терма жамоамиз жаҳон чемпионатидаги иштирокини якунлади

Спорт курашлари бўйича Ўзбекистон терма жамоаси Сербияда бўлиб ўтган жаҳон чемпионатидаги иштирокини якунлади. Унда спортчиларимиз 1 та кумуш ва 1 та бронза медалини қўлга киритишди.

Жумладан, юнон-рум курашида Жалгасбай Бердимуроатов (-82 кг) кумуш, Жасурбек Ортиқбоев (-55 кг) эса бронза медалига сазовор бўлди. Умумжамоа ҳисобида “классик” курашчиларимиз саккизинчи поғонадан жой олишди. Афсуски, эркин кураш ва аёллар кураши дастурларида спортчиларимиз шоҳсупага кўтарила олишмади.