“Спорт — нафислик ва саломатлик манбаи” спорт фестивали якунланди
Унда фаол хотин-қизлар стритбол, стол тенниси, шахмат ва шашка спорт турларидан ўзаро куч синашдилар.
Меҳнат жамоаларида фаолият олиб бораётган хотин-қизларнинг жисмоний фаоллигини ошириш учун зарур шарт-шароитлар яратиш мақсадида республикамиздаги барча туман ва шаҳарлардаги корхона, ташкилот ва муассасаларда фаолият кўрсатаётган фаол хотин-қизлар стритбол, стол тенниси, шахмат ва шашка спорт турларидан ўзаро куч синашдилар.
Мазкур мусобақа Ўзбекистон Республикаси Президентининг 2022 йил 7 мартдаги “Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида”ги ПФ—87-сонли Фармони билан тасдиқланган 2022-2026 йилларда хотин-қизларнинг мамлакат иқтисодий, сиёсий ва ижтимоий ҳаётининг барча жабҳаларида фаоллигини ошириш бўйича Миллий дастури ижросини таъминлаш мақсадида Спортни ривожлантириш вазирлиги ҳамда Ўзбекистон хотин-қизлар қўмитаси ҳамкорлигида ташкил этилди.
Уч босқичда ўтказилган ушбу турнирда юртимиз бўйлаб 11 000 дан зиёд меҳнат жамоаларида фаолият олиб бораётган хотин-қизлар ғолиблик учун кураш олиб бордилар. “Спорт — нафислик ва саломатлик манбаи” шиори остида ўтказилган спорт фестивалининг якуний натижалари билан қуйида танишиб олишингиз мумкин:
Шахмат:
- Очилова Шахноза (Бухоро);
- Арзиқулова Мафтуна (Самарқанд);
- Жониқулова Мафтуна (Сурхондарё).
Шашка:
- Бозорова Нигина (Бухоро);
- Эшмадатова Лобар (Қашқадарё);
- Астарақулова Наиба (Сирдарё).
Стол тенниси:
- Курязова Шаҳло (Хоразм);
- Агзамова Марҳабо (Тошкент вил.);
- Ҳамдамова Гулшан (Сирдарё).
Стритбол:
- Бухоро вилояти;
- Тошкент вилояти;
- Тошкент шаҳри.
Спортни ривожлантириш вазирлиги матбуот хизмати
Изоҳлар (0)