Спортчимиз Италияда ғалабали юришини бошлади

Италиянинг Барлетта шаҳрида теннис бўйича "Челленжер" туркумига кирувчи “Open Città della Disfida” халқаро турнирида ҳамюртимиз Ҳумоюн Султонов ўз иштирокини муваффақиятли бошлади.

Мамлакатимизнинг биринчи рақамли теннисчиси бўлган Ҳумоюн Султонов турнирнинг илк даврасида украиналик Олександр Овчаренкога қарши кортга чиқди ва 2:6, 7:6, 7:5 ҳисобида зафар қучди.

Энди теннисчимиз навбатдаги босқичда хорватиялик Матей Доди билан куч синашади.

Маълумот ўрнида: Ҳумоюн Султонов бундан аввал, март ойининг бошида Грециянинг Херсонисос шаҳрида бўлиб ўтган "Челленжер" турнирида иштирок этган эди. Ушбу мусобақадаги муваффақиятсизликдан сўнг икки ҳафта давомида қайта тикланиш жараёнини ўтказди.