SPORTS.uz Белград-2021. Абдумалик Халаков россиялик боксчини мағлуб этди ва камида бронза медалини ҳал қилди

Сербиянинг Белград шаҳрида бокс бўйича эркаклар ўртасидаги жаҳон чемпионати ҳал қилувчи паллада. Мусобақада нимчорак финаллар якунланди. Энди навбат чорак финалларга.  

Бугун Ўзбекистон шарафини 6 нафар боксчимиз ҳимоя қилиши белгиланган. Жанглар медаллар учун кечади. 

Бир неча дақиқадан сўнг Абдумалик Халаков (-60 кг) россиялик Всеволод Шумков билан рингга кўтарилади.

Ҳамюртимиз кўк рангли формада, рақиби қизил либосда жанг қилади.

Биринчи раунд бошланди.

Илк сонияларда юқори темп. Иккилик зарбалар берилмоқда, икки боксчидан ҳам. Вакилимиз уч бор айланма зарба йўллади.

Чап қўлда айланма зарба берди Абдумалик. Халаков чап қўлда яккалик зарбалари йўллаяпти. Клинч...

Биринчи раунд бизнинг фойдамизга 4:1.

Иккинчи раунд бошланди.

Боксчимизда ўзига ишонч жуда юқори. Вакилимизнинг чап қўли анча фаол. Уч марта россиялик боксчи юзига тўғридан зарба қабул қилиб олди. Клинч...

Абдумалик апперкот зарба йўллади, аниқ ва кучли чиқди. Клинч ҳолати кўпаймоқда. Ух мана бу ҳолатда ҳамюртимиз юзига барза ўтказиб юборди.

Иккинчи раунд ҳам бизнинг фойдамизга 5:0.

Учинчи раунд бошланди.

Халаковнинг техникаси ажойиб. Унинг ҳаракатлари жуда ҳам енгил. Қарама-қарши зарбалар кузатилмоқда.

Уххх ҳамюртимиз яна зарба ўтказиб юборди. Бироқ қарши зарба йўллашни уддалади. Клинч ҳолати.

Ринг бурчагида қарама-ққарши зарбалар кўпайди. 

Жанг якунланди. Ҳакамлар ҳамюртимизнинг ғалабасини қайд этишди. Абдумалик ярим финалга йўл олди.