SPORTS.uz Белград-2021. Одилжон Асланов америкалик боксчидан учралган мағлубиятга қандай изоҳ берди?

Сербиянинг Белград шаҳрида бокс бўйича эркаклар ўртасидаги жаҳон чемпионати қизғин паллага кириб улгурди.

Ўзбекистон шарафини ҳимоя қилиши белгиланган яна бир боксчимиз Одилжон Асланов (-80 кг) нимчорак финалда америкалик Роббий Гонсалесга тўқнаш келди.

Қийин кечган жангда вакилимиз кутилмаганда, имкониятни бой берди. Жангдан сўнг Одилжон Асланов SPORTS.uz сайтига мағлубият сабаблари ҳақида гапирди. 

- Кўнгилдагидек жанг ўтказа олмадим. Устозларим айтганларининг 20 фоизини бажардим ҳолос. Иккинчи раундда тақиқланган зарбаларни кўп йўлладим. Шунинг учун кўп вақт йўқотдим.

Жаҳон чемпионати яхши ўтяпти. Қолган боксчиларимизга омад тилайман, - деди Одилжон Асланов.