SPORTS.uz: Жалолиддин Машарипов "Ал-Насср"да қолади
Сўнгги кунларда Ўзбекистон терма жамоаси ва "Ал-Насср" ярим ҳимоячиси Жалолиддин Машарипов Мисрнинг "Ал-Аҳли" клубига ўтиши ҳақидаги хабарлар тарқалганди.
SPORTS.uz сайтига маълум бўлишича, футболчи шартномаси сўнггига қадар риёдликлар сафида қолишга қарор қилган. "Ал-Аҳли"нинг жиддий қизиқиши сабабли трансфер кейинроқ яна кўриб чиқилиши мумкин.
Бугундан Саудия Арабистони чемпионати старт олади. "Ал-Насср" дастлабки турда "Ал-Веҳда" жамоасига қарши майдонга тушади. Легионеримиз жароҳати сабабли ушбу баҳсни ўтказиб юборади. Машарипов Испания йиғини доирасида белидан жароҳат олганди.
Бизга маълум бўлишича, вакилимиз катта эҳтимол билан Ўзбекистон терма жамоасининг Камерун ва Коста-Рикага қарши ўртоқлик учрашувларини ҳам ўтказиб юборади.
Фикрлар