Srechko Katanets: "Argentina Messisiz qanday bo‘lsa, biz ham Shomurodovsiz shundaymiz"

Osiyo kubogi 1-turi doirasida O‘zbekiston va Suriya terma jamoalari o‘zaro kuch sinashdi va unda tomonlar 0:0 hisobida durang o‘ynadi. 

Mazkur bahs yakuniga etgach, O‘zbekiston terma jamoasi bosh murabbiyi Srechko Katanets matbuot anjumanida o‘z fikrlari bilan o‘rtoqlashdi. 

"Xayrli kech. Ochig‘i, nafaqat natijadan, balki o‘yindan ham qoniqish hosil qilmadim. Gol urish yo‘lini topa olmadik. Ammo baribir yigitlar harakat qilishganini aytishim kerak. Suriya 90 daqiqa orqaga tushib, o‘yin namoyish etdi. Bunday raqibga qarshi o‘yin har doim qiyin kechadi.

Eldor jamoamiz uchun eng muhim futbolchi. U O‘zbekistondagi eng yaxshi hujumchi va bunday o‘yinchining yo‘qligi maydonda sezilishi tabiiy. Argentina Messisiz qanday bo‘lsa, biz ham Eldorsiz shu ahvolga tushib qolamiz.

Biz 5 himoyachi bilan o‘ynaganimiz yo‘q, bunday sxema noto‘g‘ri talqin qilinish oqibatida yuzaga kelgan. Hozirgi O‘zbekiston 3 himoyachi va 2 loteral bilan harakat qiladi. Qanotdagi 2 futbolchimiz esa vingerlarga faol tarzda ko‘maklashib turadi.

Keyingi turda Hindiston bilan o‘ynaymiz. Ular yaxshi jamoa, hurmat bilan munosabatda bo‘lishimiz kerak. Chunki mazkur musobaqada hamma bor kuchini ishga soladi. Oldinda ikki uchrashuv kutib turibdi va biz tezroq o‘zimizning eng yuqori darajamizga chiqib borishimiz zarur.

Jarohatlar borligi - haqiqat. To‘purarsiz terma jamoa umuman boshqa jamoaga aylanib qoladi. Buni nafaqat biz, balki boshqa ko‘plab jamoalar misolida ham ko‘rish mumkin.

Ushbu natija bizning ruhiy holatimizga salbiy ta’sir ko‘rsatmaydi. Olg‘a intilishda davom etamiz va maqsad sari to‘xtash hayolimizga ham kelgani yo‘q", - dedi mutaxassis.