Стерлинг: "Ман Сити" билан шартномам бор, аммо "Реал"...

"Манчестер Сити" ярим ҳимоячиси Рахим Стерлинг Мадриднинг "Реал" клуби ҳақидаги саволларга жавоб берди.

- Агар бош мураббий бўлсангиз "Реал"дан қайси футболчи билан шартнома имзолаган бўлардингиз?

- Лука Модрич билан! Мен унга қарши икки марта ўйнаганман. Айниқса, Хорватияга қарши ўйинда, у майдон бўйлаб шунчаки "сузган" эди. Уни томоша қилиш жуда мароқли.

- У сизнинг асосий таркибингизда бўлармиди?

- 100 фоиз! Албатта!

- Ўзингизни "Реал" сафида кўра оласизми? Битим имзолармидингиз?

- Ҳозирда, мен "Манчестер Сити"да бахтлиман. Аммо "Реал" фантастик жамоа! Оқ либосни кўрганингизда, бу қандай клуб эканлигини биласиз. Бу катта жамоа!

Мени "Манчестер Сити" билан шартномам бор. Мен уни хурмат қилишим керак. Аммо "Реал" фантастик жамоа!" - деди Стерлинг.