Стриклэнд: "Чимаев деганлари ярим ўрта вазн жангчисини зўрға ютди!"

Стриклэнд: "Чимаев деганлари ярим ўрта вазн жангчисини зўрға ютди!"
Ўрта вазнда амалдаги UFC чемпиони америкалик Шон Стриклэнд (28-5) титль йўлида бўлажак рақиби швециялик Ҳамзат Чимаевнинг (13-0) сўнгги жангги ҳақида тўхталиб ўтди:
"Унинг нимаси менга ёқади?! Ҳамзат қандай бўлсада жангларни сотишни уддаламоқда. Унинг нимасидир мухлисларга ёки жуда ҳам ёқади ёқи ундан ҳаддан ташқари нафратланишади. Нима бўлишидан қатъий назар у мен учун кўп сонларга эга "ёғли" таклиф. Инсонларнинг хоҳиш-истакларидан келиб чиққан ҳолда у титуль жангига чиқмоқда. Лекин, бошқа ҳеч қайси ишни қойиллатмагани сабабли у бу ҳуқуққа лойиқ эмас.
Ҳа, Чимаев тўлиқ бу имконга сазовор инсон эмас. Аммо, нима бўлибди?! Уни менга беринг ва мен уни беш раунд жазолайман. Кулгинг ҳам келади; у дивандан кўтарилиб жангга келган ярим ўрта вазн жангчисини базўр ютди!"