Суарес "Барселона" тарихидаги энг яхши тўпурарлар учлигига кириб олди

“Барселона” форварди Луис Суарес бугун бўлиб ўтаётган “Вильярреал”га (3:1) қарши ўйинда ўз ҳисобига гол ёздириб қўйди.

Бу гол эса уругвайлик футболчи учун “Барса” сафидаги 194-гол бўлди. Gracenote Live нашри тарқатган хабарга кўра, Суарес шу тариқа каталонияликлар тарихидаги энг яхши тўпурарлар учлигига кириб олди.

Аниқроғи, Суарес 194 та гол урган Ладислао Кубала билан бирга 3-ўринни бўлишиб турибди. Навбатдаги голдан сўнг, у 3-ўринни тўлиқ ўзиники қилиб олади.

Маълумот учун, “Барселона” тарихидаги энг яхши тўпурар Лионель Месси (630 та гол) ҳисобланади. Ундан кейинги ўринни эса Сесар Родригес (232 та гол) эгаллаб турибди.

Фикрлар

Фикр қолдириш учун авторизациядан ўтинг!