Суарез: "Ҳамма ўрнидан туриб уни олқишласин"

Месси ва унинг жамоадошлари Хорватияни мағлуб қилиб, финалга чиқди. Ўйинда Лео бир гол ва бир ассист амалга оширди ва учрашувнинг энг яхши футболчиси бўлди.

Мессининг собиқ жамоадоши Луис Суарез футболчининг ҳаракатларига баҳо берди:
Сен ҳеч қачон дунёдаги энг зўри эканлигингни исботлашдан чарчамайсан. Бу бола футболга берган нарсалари учун ҳамма ўрнидан туриб, уни олқишласин", деди 35 ёшли ҳужумчи.

Месси чемпионатда 5-голини киритиб, Мбаппега етиб олди. Унинг ҳисобида 3 та ассист ҳам бор. Айни дамда Лео мундиалнинг энг кўп голда қатнашган футболчиси бўлиб турибди