Суҳроб Бердиев "Андижон" сафига қўшилди

“Андижон” клуби ёзги йиғинини давом эттирмоқда. Шу билан бирга селекция ишлари ҳам олиб бориляпти. Таркибдаги рақобатни янада кучайтириш мақсадида таркибга ҳужумкор футболчи – Суҳроб Бердиев қўшилганини маълум қиламиз.

Ушбу ўйинчи мавсумнинг дастлабки қисмини “Янгиер” сафида ўтказган бўлиб, 13 та учрашувда майдонга тушди ва рақиблар дарвозасига 3 та гол урди. Бундан ташқари, Ўзбекистон Кубоги гуруҳ баҳсларида 3 та ўйинда иштирок этиб, 1 та гол муаллифига айланган.

Бердиев фаолияти мобайнида АГМК, “Сўғдиёна”, Шўртан”, “Пахтакор”, “Қўқон-1912” каби клубларда ҳам самарали тарзда тўп сурган.

Айни чоғда жамоада селекция ишлари давом этяпти.

Эслатиб ўтамиз, бугун “Андижон” ёзги йиғин доирасида дастлабки назорат учрашувини Олмалиқда АГМКга қарши ўтказади. Учрашув соат 18:00 да бошланади.

“Андижон” матбуот хизмати.