Сульшер "Арсенал" футболчисини МЮга олиб келмоқчи

"Манчестер Юнайтед" мураббийлар штаби ёзги трансфер ойнаси вақтида жамоа таянч чизиғини кучайтиришни режалаштирмоқда.

Шу муносабат билан манкунианликлар "Арсенал" хавбеки Маттео Гендузи атрофидаги вазиятни кузатиб бормоқда. Ўз навбатида, футболчи Лондон клубидаги ўйин амалиёти камлиги учун мавсумлар оралиғида "канонирлар" таркибини тарк этишга тайёр.

Трансфер суммаси 40 миллион еврога баҳоланаётган 21 ёшли футболчининг клуб билан шартномаси 2022 йилда якунига етади.

Эслатиб ўтамиз, Гендузи учун шунингдек, "Реал", "Барселона", "Ювентус" ва "Интер" клублари қизиқиш билдирмоқда.