Сульшер: Мени ҳайратга солган футболчини қўйиб юбормайман!

“Манчестер Юнайтед” бош мураббийи  Уле-Гуннар Сульшер таркибга эркин агент сифатида қўшилган Эдинсон Каванининг келажаги борасида ўз фикрлари билан ўртоқлашди.

- Унинг ўйини мени ҳайратга солди. У жамоамизга тез қўшилиб кетди ва шунинг учун яқин орада Эдинсон билан шартномани узайтириш бўйича музокараларни бошлаймиз,  - деди Сульшер.

ПСЖдан кетганидан кейин “Манчестер Юнайтед”га қўшилган Эдинсон Кавани ҳозирча янги жамоасида барча турнирларда 24 марта майдонга тушиб, еттита гол урди ва иккита голли пас узатди.